OMG News

എട്ടുമാസം മാത്രം പ്രായമുള്ള പെണ്‍കുഞ്ഞിനെ ബന്ധുവായ 28 കാരന്‍ പിഡിപ്പിച്ചതായി പരാതി. വടക്കു പടിഞ്ഞാറന്‍ ഡെല്‍ഹിയിലാണ് അതിനീചമായ സംഭവം.

ഗുരുതരമായി പരിക്കേറ്റ ശിശുവിനെ കലാവതി സരണ്‍ ആശുപത്രിയില്‍ പ്രവേശിപ്പിച്ചു. കുട്ടിയുടെ മാതാപിതാക്കള്‍ ജോലിക്കു പോയ സമയത്താണ് പീഡനം. വീട്ടില്‍ പ്രായമായ സ്ത്രീ മാത്രമാണ് ഉണ്ടായിരുന്നത്. ഇവരുടെ കണ്ണു വെട്ടിച്ചാണ് കുഞ്ഞിനെ ബന്ധുവായ സൂരജ് പിഡിപ്പിച്ചത്. കുട്ടിയുടെ നിര്‍ത്താതെയുള്ള കരച്ചില്‍ കേട്ട് എത്തിയ സ്ത്രീയാണ് വിവരം മറ്റുള്ളവരെ അറിയിച്ചത്.

കുട്ടിയെ കളിപ്പിക്കാമെന്ന് പറഞ്ഞാണ് യുവാവ് കെട്ടിടത്തിന്റെ ആളൊഴിഞ്ഞ മൂലയിലേക്ക് കൊണ്ടു പോയത്. സമീപമുള്ള വീടുകളില്‍ ജോലി ചെയ്യുന്ന അമ്മ എത്തിയപ്പോള്‍ കുഞ്ഞ് രക്തം വാര്‍ന്ന് അവശ നിലയിലായിരുന്നു.

ഉടനെ തന്നെ ആശുപത്രിയിലെത്തിച്ചു. സംഭവത്തെ തുടര്‍ന്ന് സൂരജ് (28) ഒളിവില്‍ പോയി,. എന്നാല്‍, ഇയാളുടെ മൊബൈല്‍ ഫോണ്‍ ലൊക്കേഷന്‍ കണ്ടെത്തി പോലീസ് അറസ്റ്റ് ചെയ്യുകയായിരുന്നു. പോസ്‌കോ നിയമ പ്രകാരം പോലീസ് കേസെടുത്തു. ഇയാള്‍ മയക്കു മരുന്നിന് അടിമയാണെന്ന് പോലീസ് പറയുന്നു.