General News

ഇന്ത്യയുടെ 59 ാം റിപ്പബ്ലിക് ദിനം വിപുലമായ പരിപാടികളോടെ രാജ്യം മുഴുവന്‍ ആഘോഷിച്ചു. സൈന്യത്തിന്റെ ശക്തിയും വിവിധ സംസ്ഥാനങ്ങളുടെ സാംസ്‌കാരിക വൈവിധ്യവും വിളിച്ചോതിയാണ് രാജ്പഥില്‍ റിപ്പബ്ലിക് പരേഡ് നടന്നത്.

ആസിയാന്‍ രാജ്യങ്ങളുടെ രാഷ്ട്രത്തലവന്‍മാര്‍ മുഖ്യാതിഥികളായി പങ്കെടുത്ത ചടങ്ങ് ചരിത്രത്തില്‍ ഇടം നേടി.

വിവിധ സംസ്ഥാനങ്ങളുടെ നിശ്ചല ദൃശ്യങ്ങളും മറ്റും ചടങ്ങിന് മോടി കൂട്ടി. കേരളത്തിന്റെ ടാബ്ലോ ഓച്ചിറ കെട്ടുകാഴ്ചയായിരുന്നു. രാഷ്ട്രപതി രാംനാഥ് കോവിന്ദ് രാജ് പഥില്‍ ദേശീയ പതാക ഉയര്‍ത്തിയതോടെയാണ് ചടങ്ങുകള്‍ തുടക്ക്മായത്. പ്രധാനമന്ത്രി നരേന്ദ്ര മോഡി, ഉപരാഷ്ട്രപതി വെങ്കയ്യ നായിഡു എന്നിവര്‍ക്കൊപ്പമാണ് ആസിയാന്‍ രാഷ്ട്രത്തലവന്‍മാരും എത്തിയത്.

ബിഎസ്എഫ് വനിതാ വിഭാഗം ഒരുക്കിയ ബൈക്ക് അഭ്യാസ പ്രകടനങ്ങള്‍ ഏവരുടേയും ശ്രദ്ധ ആകര്‍ഷിച്ചു.114 വനിതകളാണ് ഇതിനായി അണിചേര്‍ന്നത്.