General News

കാലിത്തീറ്റ കുംഭകോണം: ലാലുവിന് മൂന്നര വര്‍ഷം തടവും പിഴയും

Sat, Jan 06, 2018

Arabianewspaper 430
കാലിത്തീറ്റ കുംഭകോണം: ലാലുവിന് മൂന്നര വര്‍ഷം തടവും പിഴയും

കാലിത്തീറ്റ കുംഭ കോണ കേസില്‍ രാഷ്ട്രീയ ജനതാ ദള്‍ അദ്ധ്യക്ഷന്‍ ലാലു പ്രസാദ് യാദവിന് സിബിഐ കോടതി മൂന്നര വര്‍ഷം തടവു ശിക്ഷ വിധിച്ചു. അഞ്ചു ലക്ഷം രൂപ പിഴയും ഒടുക്കണം.


റാഞ്ചിയിലെ ജയിലില്‍ കഴിയുന്ന ലാലു പ്രസാദ് യാദവിനെ സുരക്ഷാ കാരണങ്ങളാല്‍ കോടതിയില്‍ ഹാജരാക്കിയില്ല. പകരം വീഡിയോ കോണ്‍ഫറന്‍സു വഴി ലാലുവിനെ കോടതി മുറിയില്‍ തത്സമയം പ്രദര്‍ശിപ്പിച്ച് വിധി പ്രസ്താവിക്കുകയായാരുന്നു.


ആരോഗ്യ പ്രശ്‌നങ്ങള്‍ ഉണ്ടെന്നും കുറഞ്ഞ ശി്ക്ഷ നല്‍കണമെന്നും ലാലു കോടതിയോട് അഭ്യര്‍ത്ഥിച്ചിരുന്നു. കുംഭകോണവുമായി നേരിട്ട് ബന്ധമില്ലെന്നും ആരോഗ്യ സ്ഥിതിയും പ്രായവും കണക്കിലെടുത്ത് കുറഞ്ഞ ശിക്ഷ നല്‍കണമെന്ന് ലാലുവിന്റെ അഭിഭാഷകന്‍ വാദിച്ചു.


കാലിത്തീറ്റ കുംഭ കോണ കേസില്‍ ആദ്യ കേസില്‍ അഞ്ചു വര്‍ഷം തടവിന് ശിക്ഷിക്കപ്പെട്ട ലാലുവിനെ രണ്ടാം കേസിലും ശിക്ഷിക്കപ്പെട്ടതോടെ എട്ടര വര്‍ഷം ശിക്ഷയായി മാറി. ഇനിയും നാലു കേസുകളില്‍ കൂടി ലാലു പ്രതിയാണ് മറ്റു കേസുകളുടെ വിചാരണ പൂര്‍ത്തിയായി. 21 വര്‍ഷങ്ങള്‍ക്കു ശേഷമാണ് കോടതി വിധി പറയുന്നത്.


850 കോടിയുട വെട്ടിപ്പാണ് നടത്തിയത്. ഇതില്‍ ഇപ്പോള്‍ വിധി പറഞ്ഞ കേസില്‍ 89 ലക്ഷം രൂപ വ്യാജ രസീതുുകള്‍ ഉപയോഗിച്ച് ട്രഷറിയില്‍ നിന്നും പണം പിന്‍വലിച്ചെന്നായിരുന്നു ആരോപണം.

Advertisement here

Like Facebook Page :
 

Read more news




നിങ്ങളുടെ അഭിപ്രായങ്ങള്‍

ഇവിടെ കൊടുത്തിരിക്കുന്ന അഭിപ്രായങ്ങള്‍ അറേബ്യന്യൂസ്‌പേപ്പറിന്റേതാകണമെന്നില്ല . അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക.അശ്‌ളീലമോ മത നിന്ദയോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്- എഡിറ്റർ