General News

കൊല്ലത്തും പത്തനം തിട്ടയിലും നേരിയ ഭൂചലനം അനുഭവപ്പെട്ടു. കൊല്ലത്ത് കുളത്തുപ്പുഴയിലും, തെന്‍മലയിലും കൊട്ടാരക്കരയിലും പത്തനം തിട്ടയില്‍ തിരുവല്ല, കോന്നി എന്നിവടങ്ങളിലുമാണ് റിക്ടര്‍ സ്‌കെയിലില്‍ 2.2 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്.

മൂന്നു മുതല്‍ അഞ്ചു സെക്കന്‍ഡുകള്‍ മാത്രമാണ് ഭൂചനം അനുഭവപ്പെട്ടത്. കൊല്ലത്തിനും പത്തനം തിട്ടയിലുമിടയ്ക്കാണ് ഭൂചലനത്തിന്റെ പ്രഭവ കേന്ദ്രമെന്ന് ഭൗമശാസ്ത്ര ഗവേഷണ കേന്ദ്രം അറിയിച്ചു.

ഭൂചലനത്തില്‍ ചില വീടുകളിലെ ഓടുകളും മറ്റും നിലത്തു വീണതായി റിപ്പോര്‍ട്ടുകളുണ്ട്. എന്നാല്‍, ആര്‍ക്കും പരിക്കോ കാര്യമായ നാശനഷ്ടങ്ങളോ ഉണ്ടായതായി അറിവില്ല.