General News

2 ജി കേസ് നാള്‍ വഴി

Thu, Dec 21, 2017

Arabianewspaper 517
2 ജി കേസ് നാള്‍ വഴി

രാജ്യത്തെ ഏറ്റവും വലിയ കുംഭകോണമെന്ന് ആരോപണം ഉയര്‍ന്ന 2ജി കേസിന്റെ നാള്‍ വഴി ഇങ്ങിനെ


2007 മെയ് - ഡിഎംകെ നേതാവ് ഏ രാജ ടെലി കോം മന്ത്രിയായി ചുമതലയേല്‍ക്കുന്നു.


2007 ഓഗസ്ത് - ടെലികോം വകുപ്പ് 2 ജി സ്‌പെക്ട്രം ലൈസന്‍സ് അനുവദിക്കുന്നു


2008 - സ്വാന്‍ ടെലികോം, യുണിടെക് , ടാറ്റ ടെലികമ്മ്യുണിക്കേഷന്‍ എന്നിവര്‍ തങ്ങളുടെ ഓഹരികള്‍ കൂടിയ വിലയ്ക്ക ടെലിനോര്‍, ഇത്തിസലാത്ത് എന്നീ വിദേശ കമ്പനികള്‍ക്ക് വില്‍ക്കുന്നു.


2009 മെയ് 4 -ടെലികോം മേഖലയിലെ സന്നദ്ധ സംഘടന കേന്ദ്ര വിജിലന്‍സ് കമ്മീഷണര്‍ക്ക് 2 ജി ലൈസന്‍സ് അനുവദിച്ചതിനെതിരെ പരാതി നല്‍കുന്നു.


2009 ജൂലൈ - കേന്ദ്ര വിജിലന്‍സ് കമ്മീഷണര്‍ സിബിഐക്ക് കേസ് കൈമാറുന്നു.


2010 സെപ്തംബര്‍ - എന്‍ഫോഴ്‌സ്‌മെന്റ് ഡയറക്ടറേറ്റ് ആരോപണ വിധേയരായ ടെലികോം കമ്പനികള്‍ക്കെതിരെ അന്വേഷണം ആരംഭിക്കുന്നു.


2010 നവംബര്‍ - സിഎജി നല്‍കിയ റിപ്പോര്‍ട്ടില്‍ 2ജി ലൈസന്‍സ് നല്‍കിയതില്‍ രാജ്യത്തിന് 1.76 ലക്ഷം കോടിയുടെ നഷ്ടം സംഭവിച്ചതായി കണ്ടെത്തുന്നു.


2010 നവംബര്‍- ആരോപണങ്ങളെ തുടര്‍ന്ന് ടെലി കോം മന്ത്രി എ രാജ രാജിവെയ്ക്കുന്നു. കപില്‍ സിബല്‍ മന്ത്രിയായി ചുമതലയേല്‍ക്കുന്നു.


2011 ഫെബ്രുവരി രാജയുടെ വസതികളില്‍ സിബിഐ റെയ്ഡ് , അറസ്റ്റ്, ജയില്‍ വാസം,


2011 ഏപ്രില്‍ - രാജയ്‌ക്കെതിരെ സിബിഐ ആദ്യ കുറ്റപത്രം സമര്‍പ്പിക്കുന്നു.


2011 നവംബര്‍ 2 ജി കേസില്‍ സിബിഐ കോടതിയില്‍ വിചാരണ ആരംഭിക്കുന്നു.


2012 ഫെബ്രുവരി - രാജയുടെ കാലത്ത് അനുവദിച്ച 122 ടെലികോം ലൈസന്‍സുകള്‍ സുപ്രീം കോടതി റദ്ദു ചെയ്യുന്നു.


2014 ഏപ്രില്‍ - ഡിഎംകെ നേതാവ് കനിമൊഴിക്കെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് കുറ്റപത്രം നല്‍കുന്നു.


2015 ആഗസ്ത് - രാജയ്‌ക്കെതിരെ അനധികൃത സ്വത്തു കേസ് സമ്പാദന കേസ് സിബിഐ ഫയല്‍ ചെയ്യുന്നു.


2017 സെപ്തംബര്‍ - 2 ജി കേസില്‍ വിധി പറയുന്നത് ഒക്ടോബറിലേക്ക് മാറ്റിയതായി സിബിഐ കോടതി അറിയിക്കുന്നു,


2017 ഒക്ടോബര്‍- വിധി പറയുന്നത് വീണ്ടും മാറ്റുന്നു,.


2017 ഡിംസബര്‍ 21 - ആറു വര്‍ഷത്തെ വിചാരണയ്‌ക്കൊടുവില്‍ സിബിഐ കോടതി എ രാജയേയും കനിമൊഴിയേയും മറ്റ് 15 പേരേയും തെളിവുകളുടെ അഭാവത്തില്‍ വെറുതെ വിടുന്നു.


 


 

Tags : 2G scam 
Advertisement here

Like Facebook Page :
 

Read more news




നിങ്ങളുടെ അഭിപ്രായങ്ങള്‍

ഇവിടെ കൊടുത്തിരിക്കുന്ന അഭിപ്രായങ്ങള്‍ അറേബ്യന്യൂസ്‌പേപ്പറിന്റേതാകണമെന്നില്ല . അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക.അശ്‌ളീലമോ മത നിന്ദയോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്- എഡിറ്റർ