General News

ഇക്കാലത്ത് തലയ്ക്ക് സ്ഥിരത ഉള്ളവരാരും കോണ്‍ഗ്രസിനൊപ്പം പോകില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍,.

ദേശീയ തലത്തില്‍ കോണ്‍ഗ്രസുമായി സഹകരിച്ച് സിപിഐ പ്രവര്‍ത്തിക്കുന്നുവെന്ന വാര്‍ത്തകള്‍ കഴിഞ്ഞ ദിവസം വന്നിരുന്നു. ഇതിനെ തുടര്‍ന്ന് കോണ്‍ഗ്രസിലേക്ക് ക്ഷണിച്ച് തിരുവഞ്ചൂര്‍ രാധാകൃഷ്ണനെ പോലുള്ളവരുടെ പ്രസ്താവന ശ്രദ്ധയില്‍ പെട്ടോ എന്ന മാധ്യമ പ്രവര്‍ത്തകരുടെ ചോദ്യത്തിന് മറുപടിയായാണ് കാനം ഇങ്ങിനെ പറഞ്ഞത്.

കോണ്‍ഗ്രസുമായുള്ള സഖ്യത്തെ കുറിച്ച് ചര്‍ച്ച നടത്തിയാല്‍ അത് പൊതുരേഖയായിരിക്കും. കൊല്ലത്ത് നടക്കുന്ന പാര്‍ട്ടികോണ്‍ഗ്രസിലും വിജയവാഡയില്‍ നടക്കുന്ന ദേശീയ കൗണ്‍സില്‍ യോഗത്തിലും ചര്‍ച്ച ചെയ്യുന്ന വിഷയങ്ങള്‍ പൊതു രേഖയായിരിക്കുമെന്നും കാനം പറഞ്ഞു.