Vehicle News

ചെറിയ കാറുകളുടെ രാജകുമാരനാകാന്‍ ഓള്‍ട്ടോ എത്തുന്നു. മാരുതിയുടെ എക്കാലത്തേയും ജനപ്രിയ മോഡലായിരുന്നു ഓള്‍ട്ടോ. ഇടയ്ക്ക് അപ്രത്യക്ഷമായെങ്കിലും കിടിലന്‍ലുക്കിലാണ് പുതിയ മോഡല്‍ പുറത്തിറങ്ങുന്നത്. 2019 ല്‍ ഇന്ത്യയിലെ നിരത്തുകളില്‍ നാനോയെ കടത്തി വെട്ടി ഈ ചെറിയ കാര്‍ വിപണി കീഴടക്കുമെന്നാണ് വ്യവസായ പണ്ഡിതരുടെ പ്രവചനം.

മാസ് ലുക്കാണ് ഓള്‍ട്ടോയുടെ 660 സിസി എഞ്ചിന്‍ കാറിന്റെ പ്രത്യേകത. നിലവില്‍ ഉള്ള 800 സിസി കാറിനേക്കാളും ഇന്ധന ക്ഷമതയായിരിക്കും ഓള്‍ട്ടോയുടെ പ്രത്യേകത.

മുപ്പതു കിലോമീറ്റര്‍ മൈലേജാണ് കമ്പനിയുടെ വാഗ്ദാനം. ലൈറ്റ് വെയ്റ്റി ബോഡിയാണ് ഇതിനു കാരണം. കാര്‍ ടെസ്റ്റിംഗ് ഘട്ടത്തിലാണ്. ഹരിയാനയിലെ റോത്തക്കിലെ ഫാക്ടറി ലാബിലാണ് എഞ്ചിന്‍ തയ്യാറാക്കുന്നത്.

ടാറ്റ നാനോയുടെ 624 സിസി എഞ്ചിനേക്കാളും നേരിയ വ്യത്യാസമേ ഇതിനുള്ളു. ഇന്ത്യയുടെ കാര്‍ മാര്‍ക്കറ്റില്‍ 45 ശതമാനം വിപണി പങ്കാളിത്തമാണ് മാരുതി സുസുക്കിക്ക് ഉള്ളത്. റെനോ ക്വിഡ്,.ടാറ്റ ടിയാഗോ തുടഹ്ങിയ കാറുകളും ഏറെ വിറ്റഴിയുന്നുണ്ട്. ഓള്‍ട്ടോയുടെ വരവിനെ ഇവര്‍ വെല്ലുവിളിയോടെയാണ് കാണുന്നത്.