General News

ചൈനീസ് പടക്കപ്പലുകളുടെ സാന്നിദ്ധ്യം ഇന്ത്യന്‍ മഹാസമുദ്രത്തില്‍ കണ്ടെത്തി. ഇന്ത്യയും ചൈനയും തമ്മില്‍ സിക്കിം അതിര്‍ത്തിയില്‍ സംഘര്‍ഷം പുകയുന്നതിനിടെയാണ് ചൈനയുടെ പ്രകോപനപരമായ നീക്കം.

ഇന്ത്യന്‍ മഹാസമുദ്രത്തില്‍ ഇന്ത്യന്‍ ചാര ഉപഗ്രഹങ്ങളാണ് കപ്പലുകളുടെ ചിത്രം അയച്ചത്. ചൈനീസ് കപ്പലുകളുടെ നീക്കങ്ങള്‍ ഉപഗ്രഹസഹയാത്തോടെ സൈന്യം നിരീക്ഷിക്കുകയാണ്.

ഇന്ത്യന്‍ നാവിക സേനയ്ക്കു വേണ്ടി ഉപയോഗിക്കുന്ന ജി സാറ്റ് 7 ആണ് പുതിയ ചിത്രങ്ങള്‍ അയയ്ക്കുന്നത്. ചൈനയുടെ മുങ്ങിക്കപ്പലുകളും ഇവിടെ തമ്പടിച്ചിട്ടുണ്ട്. അസ്വാഭാവികത ഇല്ലെന്നാണ് സൈന്യം അറിയിച്ചിട്ടുള്ളതും പുതിയ സംഘര്‍ഷ സാഹചര്യങ്ങളില്‍ വിഷയം ഗൗരവത്തോടെ കാണാന്‍ സേനയ്ക്ക് സര്‍ക്കാര്‍ നിര്‍ദ്ദേശം നല്‍കിയിട്ടുണ്ട്.

പത്തില്‍ കൂടുതല്‍ പടക്കപ്പലുകളും മുങ്ങിക്കപ്പലുകളും ഇന്ത്യ കണ്ടെത്തിയിട്ടുണ്ട് സിക്കിം അതിര്ത്തിയിലെ ഉപേക്ഷിക്കപ്പെട്ട ബങ്കറുകള്‍ ബുള്‍ഡോസര്‍ ഉപയോഗിച്ചല്ല തകര്‍ത്തതെന്ന ഇന്ത്യന്‍ വിദേശ കാര്യ മന്ത്രാലയം അറിയിച്ചു.

അതിര്‍ത്തി സംരക്ഷിക്കാന്‍ ചൈന യുദ്ധത്തിന് മുതിരുമെന്ന് ചൈനീസ് പത്രങ്ങള്‍ റിപ്പോര്‍ട്ട് ചെയ്തു. വിഷയത്തില്‍ അമേരിക്കയുടെ ഇടപെടലും ഉണ്ടാകാനുള്ള സാധ്യത തള്ളിക്കളായാനാവില്ലെന്ന് നയതന്ത്ര വിദഗ്ദ്ധര്‍ പറയുന്നു.