OMG News

വെള്ളത്തില്‍ മുങ്ങിത്താഴ്ന്ന കുട്ടിയാനയെ രണ്ടു പിടിയാനകള്‍ ചേര്‍ന്ന് രക്ഷപ്പെടുത്തി. ദക്ഷിണ കൊറിയയിലെ സോളിലെ ഗ്രാന്റ് പാര്‍ക്കിലെ കൃത്രിമ തടകാത്തിലാണ് അമ്മയ്‌ക്കൊപ്പം എത്തിയ കുട്ടിയാന വീണത്. വെള്ളം കുടിക്കുന്നതിനിടെയ കുട്ടിയാന വെള്ളത്തിലേക്ക് വീഴുകയായിരുന്നു.

നില കിട്ടാതെ കുട്ടിയാന പിടയ്ക്കുന്നത് കണ്ട് കുടെയുണ്ടായിരുന്ന അമ്മ രക്ഷപ്പെടുത്താന്‍ ശ്രമി്‌ച്ചെങ്കിലും കുട്ടിയാന അകന്നു പോകുകയായിരുന്നു. എന്നാല്‍, സമീപം ഉണ്ടായിരുന്ന മറ്റൊരു പിടിയാന ഓടിയെത്തുകയും രണ്ടു ആനകളും ചേര്‍്ന്ന് വെള്ളത്തിലേക്ക് ചാടിയിറങ്ങി കുട്ടിയാനയെ രക്ഷപ്പെടുത്തുകയുമായിരുന്നു.

ഈ സമയം, വേലിക്കെട്ടിന് അപ്പുറത്ത് നിന്നിരുന്ന മറ്റൊരാന പരിഭ്രാന്തനായി അങ്ങോട്ടും ഇങ്ങോട്ടും ഓടുന്നതും കാണാം. വീഡിയോ പാര്‍ക്ക് അധികൃതര്‍ തങ്ങളുടെ ഫെയ്‌സ്ബുക്കില്‍ ഷെയര്‍ ചെയ്യുകയായിരുന്നു.