OMG News

ഗുജറാത്തിലെ ഗീര്‍ വനത്തില്‍ ചുറ്റും കൂടിയ സിംഹങ്ങളുടെ നടുവില്‍ ആംബുലന്‍സില്‍ ആശുപത്രിയിലേക്ക് പോകവെ സ്ത്രീ പ്രസവിച്ചു, ജൂണ്‍ 29 ന് 32 കാരിയായ മഗുബെന്‍ മക്വാന പ്രസവ വേദന കൊണ്ട് പുളയുമ്പോള്‍ സമയം പാതിരാത്രിയായിരുന്നു.

ഗുജറാത്തിലെ ഗീര്‍ വനത്തിനു നടുവില്‍ ആംബലുന്‍സിലായിരുന്നു ഇവര്‍. അമറേലി ഗ്രാമത്തില്‍ നിന്നും ആംബുലന്‍സില്‍ ആശുപത്രിയിലേക്കുള്ള യാത്രാ മദ്ധ്യയേയാണ് ഗീര്‍ വനത്തിലെ റോഡില്‍ ഇവര്‍ പ്രസവിച്ചത്. സിംഹങ്ങള്‍ ആംബുലന്‍സിന് മുന്നില്‍ എത്തിയതോടെ ഡ്രൈവര്‍ വാഹനം നിര്‍ത്തിയിട്ടു. പന്ത്രണ്ടോളം സിംഹങ്ങള്‍ വാഹത്തിനു മുന്നിലും പിന്നിലുമെല്ലാം നിരന്നു.

മുന്നോട്ടും പിന്നോട്ടും പോകാനാകാതെ ആംബുലന്‍സ് കുടുങ്ങി. ഇതിനിടയില്‍ ഇവര്‍ പ്രസവിച്ചു,. ഇരുപത് മിനിട്ടോളം ആംബുലന്‍സ് നിര്‍ത്തിയിട്ടു. ഇതിനിടെ ആംബുലന്‍സില്‍ ഉണ്ടായിരുന്ന നേഴ്‌സുമാര്‍ പ്രസവത്തിന് ഇവരെ സഹായിച്ചു. പുലര്‍ച്ചെ 2.30 നാണ് സംഭവം.

പ്രസവ ശേഷമാണ് അമ്മയേയും കുഞ്ഞിനേയും ജാഫറാബാദിലെ ആശുപത്രിയിലെത്തിച്ചത്., ഡ്രൈവറുടെ മനസാന്നിദ്ധ്യമാണ് കാട്ടിനു നടുവില്‍ പാത്രി രാത്രിയിലും പ്രസവത്തിനായി വാഹനം നിര്‍ത്തിയതും പിന്നീട്, സിംഹങ്ങളുടെ ഇടയില്‍ നിന്നും കുറച്ചു കുറച്ചായി വാഹനം മുന്നോട്ട് നീക്കി ഒടുവില്‍ കാട്ടില്‍ നിന്നും രക്ഷപ്പെട്ടതെന്നും വാഹനത്തില്‍ ഉണ്ടായിരുന്ന നേഴ്‌സുമാര്‍ പറഞ്ഞു.