Troll Today News

ജൈന മതത്തിന്റെ ആചാര്യന്‍ വര്‍ദ്ധമാന മഹാവീരന്റെ ജന്മദിനത്തോട് അനുബന്ധിച്ച് ആശംസകള്‍ നേര്‍ന്ന കോണ്‍ഗ്രസ് എംപി ശശി തരൂരിന് പിഴച്ചു. ശ്രീബുദ്ധന്റെ ചിത്രം ഉപയോഗിച്ചാണ് മഹാവീര ജയന്തിക്ക് ശശി തരൂര്‍ ആശംസ അറിയിച്ചത്.

മതവും ചരിത്രവും എല്ലാം അറിയാവുന്ന ആളും ഇതിനെക്കുറിച്ച് സംസാരിക്കുകയും എഴുതുകയും ചെയ്യുന്ന ശശി തരുരിന് മഹാവീരനും ബുദ്ധനും തമ്മിലുള്ള വ്യത്യാസം അറിയില്ലേ എന്നു ചോദിച്ചാണ് സോഷ്യല്‍ മീഡിയയില്‍ ട്രോള്‍ ആക്രമണം ഉണ്ടായത്.

തരൂരിന്റെ ട്വിറ്റര്‍, ഫെയ്‌സ്ബുക്ക് പേജുകളിലാണ് ഹാപ്പി മഹാവീര്‍ ജയന്തി എന്ന പേരില്‍ പോസ്റ്റര്‍ പ്രത്യക്ഷപ്പെട്ടത്. പക്ഷേ, ചിത്രത്തില്‍ ശ്രീബുദ്ധന്റെ ചിത്രമാണ് ഉപയോഗിച്ചിരുന്നത്.

തുടര്‍ന്ന് മസ്ജിദിന്റെ ചിത്രം നല്‍കി രാമനവമി ആശംസകളും, ക്രിസുവിന്റെ ചിത്രം നല്‍കി ജന്‍മാഷ്ടമി ആശംസകളും ശ്രീരാമന്റെ ചിത്രം നല്‍കി ഇസ്റ്റര്‍ ആശംകളുമൊക്കെ നിറഞ്ഞു.

ട്രോളുകള്‍ ഒഴുകിയെത്തിയതോടെ തനിക്ക് ചിത്രം ലഭിച്ച വെബ്‌പേജിന്റെ ലിങ്ക് നല്‍കി ശശി തരൂര്‍ തടിയൂരുകയായിരുന്നു. ഏതായാലും തന്റെ തെറ്റ് ചൂണ്ടിക്കാട്ടിയവര്‍ മഹാവീരനെ കുറിച്ച് ട്വീറ്റ് ചെയ്യാന്‍ തയ്യാറായതില്‍ സന്തോഷമുണ്ടെന്നും ഇങ്ങിനെ സംഭവിച്ചില്ലായിരുന്നുവെങ്കില്‍ ഇവരില്‍ പലരും ഇന്ന് മഹവീരനെ കുറിച്ച് ഓര്‍ക്കില്ലെന്നായിരുന്നുവെന്നും തരൂര്‍ കുറിച്ചു,.