Troll Today News

മൂന്നു കോടി രൂപ മുടക്കി ലംബോര്‍ഗിനി വാങ്ങിയ യുവതാരം പൃഥ്വി രാജിന് സ്വന്തം അമ്മയെ വാഹനം ഒന്നു കാണിക്കാന്‍ തിരുവനന്തപുരത്തേക്ക് ചെല്ലാന്‍ കഴിയുന്നില്ല. കാരണം അമ്മ താമസിക്കുന്ന വീട്ടിലേക്കുള്ള വഴി ലംബോര്‍ഗിനി ഓടിച്ചു ചെല്ലാന്‍ കഴിയാത്ത വിധത്തിലുല്‌ളതാണ്.

വാഹനത്തിന്റെ അടി തട്ടുമെന്നാണ് പൃഥ്വിരാജ് പറയുന്നത്. സംഗതി സത്യമാണെന്ന് അവിട അടുത്ത് താമസിക്കുന്ന ഷോണ്‍ ജോര്‍ജും പറയുന്നു.

പൃഥ്വി രാജ് മൂന്നു കോടി മുടക്കി വാഹനം മേടിച്ചപ്പോള്‍ നികുതി അടച്ചത് 43 ലക്ഷം രൂപയോളമാണ്. ആഡംബര വാഹനങ്ങള്‍ക്ക് വന്‍ നികുതി ഉള്ളതിനാല്‍ പലരും വാഹനം പോണ്ടിച്ചേരിയില്‍ പോയി രജിസ്റ്റര്‍ ചെയ്യുന്നതിനിടയിലാണ് പൃഥ്വിരാജ് വാഹനത്തിന്റെ നികുതി കൊച്ചിയില്‍ തന്നെ അടച്ചത്.

വാഹന നികുതി റോഡ് ടാക്‌സ് എന്ന പേരിലാണ് നമ്മള്‍ അടയ്ക്കുന്നത്. പതിനഞ്ചു വര്‍ഷത്തേക്കുള്ള നികുതി ഒറ്റയടിക്ക് വാങ്ങുന്ന സര്‍ക്കാരിന് വാഹനങ്ങള്‍ ഓടിക്കാനുള്ള രോഡുകള്‍ ഒരുക്കാന്‍ കടമയുണ്ട്.

തന്റെ വീട്ടിലേക്കുള്ള റോഡ് മോശമായ അവസ്ഥയിലാണ് അധികാരികളോട് പരാതിപ്പെട്ടിട്ടും ആരും അനങ്ങുന്നില്ലെന്ന് കഴിഞ്ഞ ദിവസം പൃഥ്വിരാജിന്റെ അമ്മ മല്ലിക സുകുമാരന്‍ ഒരു ചാനലിന് നല്‍കിയ അഭിമുഖത്തില്‍ പറഞ്ഞിരുന്നു.

എന്നാല്‍, ഇത് വൈറലാകുയും സോഷ്യല്‍ മീഡിയിയില്‍ ട്രോളുകള്‍ ഇറങ്ങുകയും ചെയ്തു.