OMG News

പന്ത്രണ്ട് മില്യണ്‍ യുഎഇ ദിര്‍ഹത്തിന്റെ ( ഏകദേശം 20.6 കോടി ഇന്ത്യന്‍ രൂപ) അബുദാബി എയര്‍പോര്‍ട്ട് ഡ്യുട്ടി ഫ്രീ റാഫിള്‍ സമ്മാനം മലയാളിക്ക്. ബിഗ് ടിക്കറ്റിന്റെ ചരിത്രത്തിലെ തന്നെ ഏറ്റവും വലിയ സമ്മാനമാണ് ഇത്.

ഞായറാഴ്ച രാവിലെ നടന്ന നറുക്കെടുപ്പിലാണ് 42 കാരനായ ഹരികൃഷ്ണന് ഭാഗ്യം തുണച്ചത്. തനിക്ക് തന്നെയാണോ സമ്മാനം അടിച്ചതെന്ന സംശയവുമായി നിന്ന ഹരിയെ തേടി ബിഗ് ടിക്കറ്റിന്റെ സംഘാടകരുടെ വിളിയെത്തി. ഇതോടെയാണ് ഇത്രയും വലിയ തുക തനിക്ക് തന്നെയെന്ന് ഹരി ഉറപ്പിച്ചത്. ഭാര്യ നിഷയും സന്തോഷത്തില്‍ പങ്കു ചേര്‍ന്നു,

ഭര്‍ത്താവിനെ ലോട്ടറിയടിച്ചെന്ന് പറഞ്ഞ് പറ്റിക്കാനിരിക്കുകയായിരുന്നു നിഷ. പക്ഷേ, യഥാര്‍ത്ഥ വിജയി തന്റെ ഭര്‍ത്താവാണെന്ന് അറിഞ്ഞ് അന്ധാളിക്കുകയാണ് നിഷ. ഏഴു വയസുകാരനുമായ മകനുമൊത്ത് ലോകം ചുറ്റിക്കറങ്ങാന്‍ പദ്ധതിയിടുകയാണ് ഹരി,.

തന്റെ ഏറെ നാളത്തെ ആഗ്രമാണ് വേള്‍ഡ് ടൂര്‍. 2018 ഇതിനുള്ളതാണെന്ന് ഹരി വിശ്വസിക്കുന്നു.

പതിനഞ്ചു വര്‍ഷമായി ദുബായില്‍ താമസിക്കുന്ന ഹരി ഒരു സ്വകാര്യ കമ്പനിയില്‍ ബിസിനസ് ഡെവലപ്‌മെന്റ് മാനേജരാണ്. ഇത് മൂന്നാം തവണയാണ് ഹരി ബിഗ് ടിക്കറ്റ് വാങ്ങുന്നത്. ഒരോ വട്ടവും വാങ്ങുമ്പോള്‍ ഇക്കുറി തനിക്ക് ലോട്ടറി അടിക്കുമെന്ന് ഹരി പറയുമായിരുന്നു. ഇക്കുറി ഇത് യഥാര്‍ത്ഥ്യമായി.- ഹരിയുടെ ഭാര്യ നിഷ പറയുന്നു.