General News

നടന്‍ ദിലിപിനെ അറസ്റ്റ് ചെയ്ത വാര്‍ത്ത പുറത്തു വന്നതിനു തൊട്ടു പിന്നാലെ ആദ്ദേഹത്തിന്റെ സ്ഥാപനങ്ങള്‍ക്ക് നേരെ ആക്രമണം. കൊച്ചി ഇടപ്പള്ളിയിലെ ദേ പുട്ട് എന്ന റെസ്റ്റോറന്റാണ് ഒരു കൂട്ടം ആളുകള്‍ എത്തി അടിച്ചു തകര്‍ത്തത്. ദിലീപും നാദിര്‍ഷായം പങ്കാളികളായ ഹോട്ടലാണ് ദേപുട്ട്.

ആലുവ പോലീസ് ക്ലബില്‍ ചോദ്യം ചെയ്ത ശേഷം അറസ്റ്റ് രേഖപ്പെടുത്തുകയായിരുന്നു. പോലീസ് ക്ലബിനു ചുറ്റും നിരവധി പേരാണ് തടിച്ചു കൂടിയിരിക്കുന്നത്.

ഇതോടെ രാത്രിയില്‍ മജിസ്‌ടേറ്റിനു മുന്നില്‍ ഹാജരാക്കാനുള്ള ശ്രമം പോലീസ് ഉപേക്ഷിച്ചു, എന്നാല്‍, അതിരാവിലെ മജിസ്‌ട്രേറ്റിനു മുന്നിലെത്തിച്ച ശേഷം കസ്റ്റഡിയില്‍ വാങ്ങിക്കാമെന്നാണ് പോലീസ് കരുതുന്നത്. എന്നാല്‍, ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ദിലീപിനെ ആശുപത്രിയില്‍ ഹാജരാക്കാനുള്ള നീക്കമാണ് നടക്കുന്നത്.

റിമാന്‍ഡിലായാല്‍ ജയിലില്‍ പോകേണ്ടി വരുമെന്നതിനാല്‍ ഇത് ഒഴിവാക്കാനാണ് നീക്കം.