OMG News

മോഷണം നടത്താന്‍ മൊബൈല്‍ കടയില്‍ കയറിയ കള്ളന്‍ സിസിടിവി ക്യാമറയില്‍ കുടുങ്ങി. മുഖം മറച്ചാണ് കള്ളന്‍ കടയില്‍ കയറിയതെങ്കിലും രാത്രിയിലെ ഇരുട്ടിലും പ്രവര്‍ത്തിക്കുന്ന സിസിടിവിയില്‍ മുഖവും ദൃശ്യമായി.

മോഷ്ട്ാവ് മുഖം മറച്ചത് സുതാര്യമായ പ്ലാസ്റ്റിക് കൂടാണെന്നതാണ് ഇതിനു കാരണമായത്. ഇത്ര പോലും സാമര്‍ത്ഥ്യമില്ലാത്ത കള്ളനെ തങ്ങള്‍ ആദ്യമായാണ് കാണുന്നതെന്ന് പോലീസുകാര്‍ പറയുന്നു.
കന്യാകുമാരിയിലെ ഒരു മൊബൈല്‍ കടയിലാണ് ഈ സംഭവം അരങ്ങേറിയത്.

സിസിടിവി പരിശോധിച്ച കടയുടമയ്ക്കും കള്ളനെ മനസിലായി. പോലീസില്‍ പരാതി നല്‍കിയ ഉടന്‍ ഇയാള്‍ പിടിയിലാകുകയായിരുന്നു. ഐ ഫോണ്‍ മോഷ്ട്ിക്കാനാണ് താന്‍ കടയില്‍ കയറിയതെന്ന് ഇയാള്‍ പറഞ്ഞു,.

മുഖം മറച്ചെത്തിയതിനാല്‍ തന്നെ പിടികൂടാനാവില്ലെന്നാണ് ഇയാള്‍ കരുതിയത്. എന്നാല്‍, ഇരുട്ടത്ത് അണിഞ്ഞ പ്ലാസ്റ്റിക് കൂട് സുതാര്യമാണെന്ന് അറിഞ്ഞില്ലെന്നും ഇയാള്‍ പറഞ്ഞു. സ്ിസിടിവി ക്യാമറ മറയ്ക്കുന്നതായും ദൃശ്യങ്ങളില്‍ ഉണ്ട്.