Health News

ലോകത്തിലെ 90 ശതമാനം ജനങ്ങളും മലിന വായു ശ്വസിക്കുന്നവരാണെന്ന് ലോകാരോഗ്യ സംഘടന. പത്തു പേരില്‍ ഒമ്പതും ദുഷിച്ച വായുവാണ് ശ്വസിക്കുന്നത്. ഒരോ വര്‍ഷവും 60 ലക്ഷം പേര്‍ മരിക്കുന്നത് വായു മലീനകരണവുമായി ബന്ധപ്പെട്ട രോഗങ്ങള്‍ക്ക് അടിമപ്പെട്ടാണെന്നും സംഘടന പുറത്തിറക്കിയ ഏറ്റവും പുതിയ റിപ്പോര്‍ട്ടില്‍ പറയുന്നു.

പുതിയ റിപ്പോര്‍ട്ട് എല്ലാവരുടേയും കണ്ണ് തുറപ്പിക്കേണ്ടതാണെന്നും ലോകാരോഗ്യ സംഘടനയുടെ പബ്ലിക് ഹെല്‍ത്ത് ആന്‍ഡ് എന്‍വയണ്‍മെന്റ് വകുപ്പിന്റെ മേധാവിയായ മരിയ നെയിര പറഞ്ഞു,

നഗരങ്ങളിലാണ് ഏറെ ഗൗരവതരമായ സ്ഥിതിവിശേഷം ഉള്ളത്. വായൂ മലീനികരണത്തില്‍ സമ്പന്ന രാജ്യങ്ങളും ദരിദ്ര രാജ്യങ്ങളും ഒരുപോലെയാണെന്ന് പഠനം വ്യക്തമാക്കുന്നു. നഗരങ്ങള്‍ക്കൊപ്പം ഗ്രാമങ്ങളും മലനികരണത്തിന്റെ കാര്യത്തില്‍ അപായനിലയിലാണ്.

കാര്‍ബണ്‍ പുറന്തള്ളുന്ന വാഹനങ്ങള്‍ക്ക് നിയമന്ത്രണം ഏര്‍പ്പെടുത്തണം മാലിന്യ നിര്‍മാര്‍ജ്ജനത്തിന് ഊന്നല്‍ നല്‍കണം തുടങ്ങിയ നിര്‍ദ്ദേശങ്ങളും പഠന റിപ്പോര്‍ട്ട് മുന്നോട്ട് വെയ്ക്കുന്നു.

ലോകത്തിലെ 3000 നഗരങ്ങളില്‍ നിന്നുള്ള ഡാറ്റകളാണ് പഠനത്തിന് വിനിയോഗിച്ചത്.